Askok gogoratuko dituzte zentroan bizi ziren tximinoek bisitariei egiten zizkieten trikimailuak. Animalia ugarienak, baina, hegaztiak ziren. Jendeak hegazti ugari eramaten zituen Maiztegirenera, kotxeren batek jota edo tiroren bat hartuta, han senda zitzaten.
Garaiko espazioa, baina, txiki geratu zitzaien, eta Karrantzara eraman zuten zentroa. 1994ko martxoaren 11ko ERAZ aldizkariaren alean Maiztegik azaldu zuenez, uztailean Karrantzara lekualdatzeko proiektua zuten, espazio zabalago batera.