Ikasturtea amaitu, eta udaz gozatzeko prest daude Garaiko umeak. Udalak antolatzen dituen udalekuetan 25 umek parte hartuko dute aurten. Gaur, hilaren 5ean hasiko dira udalekuak, eta 22ra arte ez zaie jolas edota tailerrik faltako. Goizeko ordutegia edukiko dute, egun batez kenduta, Pagoetako parke naturalera eta Debako hondartzara txangoa egingo dutelako.
Bestalde, ur jolasak, txitxiburduntzia, San Ferminen irudikapena... Ekintza anitzekin disfrutatu ahalko dute 3 eta 12 urte arteko umeek. Jarduera gehienak kultur etxean egingo dituzte. Horrez gainera, ikuskizun bat prestatuko dute, eta azken egunean gurasoei eskainiko diete.