Herri afaria egingo dute, bihar, Momoition

Anboto 2015eko ekainaren 26a

Asteburu honetan, Momoitioko San Joan jaiek aurrera jarraituko dute, eta, bihar, herri afaria egingo dute auzotarrek eta herritarrek. Trumoitte kultur elkarteak eta udalak elkarlanean  antolatu dute San Joan jaietako egitaraua.

Bihar, 21:30ean ipini dute afarian batzeko hitzordua. Herri afaria ermitaren inguruetan egingo dute, eta, ostean, erromeria edukiko dute Izer taldeagaz. Beraz, gaupasa egiteko plana aukeran edukiko dute Momoition batuko diren festazaleek.

Domekan ere egongo dira ekitaldiak. 11:00etan, meza izango dute, eta, ondoren, dantza saioa eskainiko dute, besteak beste.

ANBOTOKIDE izatea gure komunitatearen parte izatea da, euskararen erabilera sustatzea eta herrigintzaren aktibazioan pausoak ematea.


EGIN ZAITEZ KIDE!