Sarrigoitiak kontatu duenez hogei lantziegar etorri ziren Garaira, eta heldu bezain laster hamaiketakoa egin zuten elkarrekin. Gero, triki-poteoan ibili ziren tabernetan, eta, eguerdian, bazkaria egin zuten pilotalekuan.
Ez zen hor amaitu jaia. Izan ere, arratsaldean, erromeria eduki zuten Laja eta Narbaizagaz. Gaueko 21:00ak arte iraun zuen gutxi gorabehera musika emanaldiak.
Garaiko eta Lantziegoko herritarren arteko hartu-emana dantzari eskerrak sortu zen, eta duela urte bi senide bihurtzea erabaki zuten udalek. Ondorioz, urtero bisitak trukatzen dituzte.