San Anton eguneko ekitaldi honetan, baserritarrek dohaintzan ematen dituzte produktuak eta animaliak. Txorizoak, esnea, arrautzak eta untxiak egoten dira eskura, adibidez. Enkantera hurreratzen direnen artean, diru kopuru altuena proposatzen duenak eroaten du produktua etxera. Iaz 1.400 euro jaso ziren guztira.
Erremata egingo dute zapatuan, Caritasi diruz laguntzeko
Zapatuan Erremataren beste edizio bat egingo dute Garain. Baserriko produktu eta animaliak enkantean ipiniko dituzte, eta jasotako diruagaz ekarpen solidarioa egingo dute. Izan ere, jasotako diruaren erdia Caritasi emango diote, eta beste erdia parrokian geratuko da, mantentze-lanetako gastuetarako. Goizeko 11:30ean meza egongo da Elizabarrin –iaztik ordu erdi aurreratu dute, ekitaldia lar berandutzen zela-eta–, eta ostean hasiko da enkantea. Gainera, elizkizunaren amaieran, produktuak eta inguruko lurrak bedeinkatuko ditu abadeak.
ANBOTOKIDE izatea gure komunitatearen parte izatea da, euskararen erabilera sustatzea eta herrigintzaren aktibazioan pausoak ematea.
EGIN ZAITEZ KIDE!
EGIN ZAITEZ KIDE!