Abuztuan etorri zen egun batzuk pasatzera Fernández Paiz. Ikasturtea Madrilen eman ostean, udan Garaira etorri, eta “aldaketa erradikala” izan zela esan du, baina sormenerako natura du gustuko. Zazpi margolan sortu zituen: mendiak, etxeak eta herriko ikuspegi orokorrak islatu zituen, adibidez. Gehienek “ukitu atmosferikoa, lausotua” dute, bere esanetan.
Duela astebete berriro egon da Garain, eta marrazki batzuk landu ditu. Bere obra urriaren 26an erakutsiko du, eta salgai ere egongo dira lanak. Agian beste sasoi batean bueltatuko da: “Elurra egitean oso polita izan behar du Garaik”.