Hasieran aurreikusitako kopurua gainditu zuten horrela. Gontzal Sarrigoitia alkateak adierazi du arrakasta eduki duela ekimenak, eta, horren adibide da hainbatek bisita berriro egingo ote den galdetu dutela.
Garai ezagutaraztea zen helburua, eta Zubiaurre artisten familia hari lez erabili zuten. Elizabarrin hasi zuten ibilbidea, eta Valentin eta Ramon Zubiaurre margolarien koadroak ikusi zituzten, udaletxera joanda. Gero Zubiaurretarren etxea zena bisitatu, eta handik San Migel elizara jo zuten, beste koadro batzuk ikusteko. Hilerrian amaitu zuten ibilbidea, bertan daude-eta lur emanda anaiak, eta intelektuala izateagatik ospetsu egin zen Pilar arreba.