Landa eremuaren garapenerako programa baten bidez dirulaguntza eman dio Jaurlaritzak udalari
Udalak Beratu auzoan dagoen putzu septikoa konponduko du. Ordezkariek adierazi dute derrigorrezkoa dela konpontzea; antza denez, putzua trabatu egiten da sarri. Ez ei da oraingo eskaera, baina esan dute oraintxe ikusi dutela aukera, eta obra egitea erabaki dute. Izan ere, landa eremuaren garapena laguntzeko EREIN programaren bidez dirulaguntza eman dio Eusko Jaurlaritzak udalari.
37.300 euroko aurrekontua dauka proiektuak, eta 17.160 euro ipiniko ditu Jaurlaritzak. Aurten egingo dute obra. Baina, lan eskaintza publikoa egin barik dago oraindik.