Durangaldeko Amankomunazgoaren eskutik berbaldia egongo da eguaztenean, Garain.
Adinekoen sailak eta herriko nagusien elkarteak lankidetzan eratutakoa da, eta lapurreten aurreko prebentzioa izango da gaia. Ertzaintzak talde berezi bat dauka horrelako mintegietarako, eta eurek emango dute informazioa.
Adinekoen saileko ordezkariek esan dute nagusi batzuek kezka agertu dutela kalean kartera eta antzekoak ostu dizkietelako. Horren harira eratu dute berbaldia, eta Durangaldeko beste zenbait herritan ere egingo dute.