Astelehenean Gueñeserako txangoa egingo dute hainbat lagunek, herriko nagusien elkarteak antolatuta. Bertan, paperez egindako soinekoen edo trajeen museoa bisitatuko dute, antolatzaileek azaldu dutenez.
Goizeko 09:00etan irtengo dute Garaitik, eta 10:15 inguruan Gueñeseko udaletxera joango dira. 11:30ean egingo dute bisita, eta ostean Sudupera joango dira, han ere gai beragaz lotutako ekintza bat egiteko. Sudupetik bueltan, Gueñeseko Erreka jatetxean bazkalduko dute garaitarrek, 14:30ean. Jaki askoko menua edukiko ei dute dastatzeko. Gainera, bazkalosterako dantzaldia ere prestatu diete. Egun osoko irteeraren ostean, arratsaldean bueltatuko dira garaitarrak Enkarterrietatik.