Bihar eta etzi San Juan jaiak ospatuko dituzte.
Momoition San Juan jaiak ospatuko dituzte asteburuan. Trumoi-tte kultur elkarteak deituta, ermita inguruan batuko dira auzotarrak eta ingurukoak. Aurtengo ediziorako nobedadea prestatu dute: Garaiko zortzi gazteren eta Iurretako Txispa astoaren arteko desafioa. Domekan, 18:00etan hasiko dira harriari tiraka. Trumoitteko kideek arrakastatsua izango dela uste dute: “Herrian beti egon da herri-kiroletarako afizioa, eta jendea erakartzeko balioko du”. Domeka goizean dantzariak ere egongo dira mezaren ostean.
Bihar hasiko dira jaiak. 17:00etarako ipuin-kontalaria ipini dute. 20:00etan Donien-atxa altxatuko dute eta sua piztuko dute gero. Herri-afaria eta erromeriagaz pasatuko dute gaua.