Garaiko Udalak aurrera begira esku artean dauzkan proiektuak egoera ekonomikoak baldintzatuta daudela dio Gontzal Sarrigoitia alkateak.
Une hauetan, auzuneetan zaborrontziak ipintzea, frontoiko aldagelak berriztea eta wi-fi sistema ezartzea dira udalaren lehentasunak.
Sarrigoitiak probabilitate handia ematen dio zarama batzeko kokagune berrien plana betetzeari, baina ez du hainbesteko segurtasuna erakutsi aurretik etorri daitezkeen gainerako proiektuen kasuan. “Diru-laguntzak eskatuta ditugu, eta horiei itxaron beharko diegu”, dio alkateak.
Wi-fiaren deialdia
Interneteko zerbitzua herrian eskaintzeko proba-epea martxan du udalak, eta bando bidez jakin eragin die herritarrei zerbitzua erabili gura dutenek udaletxera jotzeko.