Garaiko San Miguel nagusien elkarteak Errioxarako irteera antolatu du azaroaren 14rako, hango ingurune eta gastronomia ezagutzeko aukera eskainiz. Laguardiara joango dira, 09:30ean irtenda.
Lehenengo bisita gidatua izango dute Heredad de Ugarte upategian. Ardoaren sekretuak hurretik ezagututa, bazkaltzera joango dira Ortu Zaharra jatetxera, eguerdiko 14:30ean. Zainzuriak, piperrak, urdaiazpikoa, patatak errioxar erara eta bildotsa dastatuko dituzte, edari eta azkenburukoaz gainera.
Interesa dutenek Herriko Tabernan eman behar dute izena, 28 euroren truke.