Domeka goizean ospatuko dute Garain Santa Katalina ermitako jaia. Egun berezia izaten da honakoa, auzoko dantzariek bakarrik osatutako taldeak dantza saioa egiten duelako bertan.
Mezagaz hasiko dute eguna, goizeko 10:30ean. Herrian egin beharreko meza auzora lekualdatzeko ohitura izaten dute egun horretan. Mezaren ondoren etorriko da dantza erakustaldia. Gainera, ez da hor amaituko jai-giroa, gero luntxa ere egongo delako bertaratzen diren guztientzako. Meza eta dantzak auzokoek eta abadeak antolatzen dituzte, eta luntxa, berriz, udalak eskaintzen du.