Abuztuan hasi dituzte Garaiko Udaletxeko teilatua konpontzeko beharrak, eta hile honetan bertan amaitzea itxaroten dute. Apirilean adjudikatu zituen lanok udalbatzarrak, eta epe hori ipini zuten burutzeko.
Egitasmoa aurrera ateratzeko 112.120 euroko inbertsioa egin du udalak. Ordezkarien esanetan, itoginak agertu izana teilatua konpontzeko arrazoien artean. Beharginak lanean topatu ditugu egunotan, eta eraikinak ez ohiko itxura hartu du, aldamioz inguraturik dago-eta. Ikasturte berriagaz batera estreinatuko dute teilatu berria.