Launa upategietarako irteera antolatu dute, Garain, astelehen honetarako; azaroaren 2rako. Bisita eta bazkaria sartzen dira egitarauan.
Goizeko 09:30ean ipini dute ordua Errioxarako bidea hartzeko. Herria eta instalazioak ezagutu, eta goiz erdian, hamaiketakoarekin, indarrak hartuko dituzte. Iberikoak eta beste hainbat jaki probatuko dituzte, ardo dastaketarekin lagunduta.
Eguerdiko 14:00etan upategiko jatetxeko menua ezagutuko dabe parte-hartzaileek. Zainzuriekin hasiko dute bazkaria, eta gero patatak jango dituzte; zelan ez, errioxar erara. Horren ondoren, bildotsaren txanda izango da, entsaladarekin batera. Postrean gazta eta irasagarra; frutarik ere ez da faltako. Kafea eta koparekin amaituko da jan-edana. Ardoa Launa erreserba izango da.
Laguardiako upategia Berriz eta Mañariko familia baten esku dago. Launak ibilbide luzea eduki arren, eraikina berria da.