Joan zen astean hasi zituzten Garaiko kultur etxea izango den eraikineko lanak. Dagoeneko agerikoa da aldaketa, teilatuaren konponketarekin hasi dira-eta.
Teilatuarekin batera, eraikinaren aurrealdea margotuko dute, eta igogailua be egokitzen hasi dira. Guztira, 145.000 euroko aurrekontua dauka proiektuak, eta hiru hilabeteren buruan amaitzea itxaroten dute. Otea-Loran elkartearen gaineko lokalak dira itxuraldatzen dabiltzanak.
Lokal horietan ludoteka eta KZguneko zerbitzuak ipini gura ditu Udalak. Dena dela, zerbitzu horiek obraren beste fase edo atal batean egokituko dira.