Garaiko Udalak orientazio-mahaia ipiniko du begiratoki berrian, bertatik ikusten diren mendien inguruko informazioarekin. 1.500 euro inguruko inbertsioa izango du.
Egitasmo horretarako dirulaguntza eskatu zaio Bizkaiko Foru Aldundiari, Urkiola landa garapenerako elkartearen bitartez. Mahai horretan, Durangaldeko mendien izena eta altuera ezagutzeko aukera emango dute, besteak beste.
Bestalde, beste informazio panel bat kokatzea ere aurreikusi dute aurrekontuan: Etxeitako Artearen panela, hain zuzen ere; lehengoa jausi egin zen, eta ordezkoa ipiniko dute.