Urteetako ohiturari eutsiz, bazkaltzeko elkartuko dira herriko nagusiak, San Migel nagusien elkarteak antolatuta. Zapatuan, San Migel egunean, dute hitzordua jarrita: 14:00etan, Herriko Tabernan. Jubilatuen artean nagusienak direnei omenaldia ere egiten die bazkalostean; aurten Miren Etxeitak eta Felix Arestik jasoko dute bakoitzak bere oparitxoa.
Beste alde batetik, aste osoan zehar izan diren mus, tute eta briska txapelketako irabazleei sariak emateko ere aprobetxatuko dute; baita tortilla txapelketan nagusitutakoei ere. Antolatzaileek jakin eragin dutenez, opariak ere zotz egingo dituzte hurreratuko direnen artean.