Abuztua amaituta, datorren martitzenetik (irailaren 4tik) aurrera berriro hurreratuko da medikua Garaira Berriztik. Medikuari kontsulta, ohi duen moduan, astean birritan herrian bertan egiteko aukera izango dute berriro ere garaitarrek.
Hain zuzen ere, martitzen eta eguenetan izaten ohi da sendagilea Garain; normalean eguerdi aldera – Berrizen amaitu ondoren– izaten du kontsulta.
Hala ere, ordutegi horretatik kanpora aukera dute Garaiko bizilagunek medikuarenera Berrizera joateko ere. Horrela egin ohi dute askotan herri txikietan.