Gobernu taldetik jakitera eman dutenez, Danona gobernu plan berriarekin ekingo diote legegintzaldiari. "Elorrio danona izan dadin, duinago, osoago, sentiberago eta sostengarriago egin nahian ekintzak eta proiektuak zehaztu dira. Herritarren ongizatea eta bizi kalitatea helburu dituzten neurriak dira", azaldu dute gobernu taldeko kideak.
Gobernu plan hori gauzatzeko, urtero bitartekoak eta baliabideak jarriko direla ere azaldu dute, jarduerak garatzeko aukera emateko zein proiektuak aztertzen joateko.
Bestalde, gobernu planaren egitasmoa egingarria, zehatza eta neurgarria dela azaldu dute. "Pertsonak dira ardatz eta pertsonak eurak izango dira protagonista; helburua, Elorrio Danona izatea".