Arratsaldeko lehenengo orduan kamioi batek garraiaturiko karga jausi da errepidera, Kanpazar mendateko bihurgune batean, Elorriotik Arrasaterako norabidean. Segurtasun Sailak jakinarazi duenez, errei biak olio orbanak kaltetuta geratu dira. Ezbeharra 15:15ean gertatu da. 16:30ean errepidea norabide bietan zarratuta egon da. Eta 17:00etan, Segurtasun Sailak sare sozialetan zabaldu duenez, txandakako zirkulazioa ezarri dute. Ezbeharrean ez da inor zauritu. Orain errepidera jausitakoa erretiratzeko lanetan dabiltza.