Azaroaren 18tik abenduaren 2ra egingo den Euskaraldia aurkeztuko dute bihar Iturrin

Artxiboko irudia.

Euskaraldiaren hirugarren edizioa egingo dute. Aurkezpena ekainaren 21ean izango da, 18:30ean, Iturri Kultur Etxean. 

Badator Euskaraldia, euskararen aldeko ekimena. Aurtengo edizioa azaroaren 18tik abenduaren 2ra izango da. Hitzez ekiteko garaia lelopean egingo duten edizioa bihar aurkeztuko dute 18:30ean, Iturri Kultur Etxean. Elorrioko Udalak prentsa ohar bidez jakitera eman duenez, Euskaraldiaren hirugarren edizioaren ezaugarriak azalduko dira, Elorrion Euskaraldia aurrera eramateko zer egin nahi den kontatuko dute eta antolakutzaren gainean dauden iritziak partekatuko dira.

Bestalde, aurtengo helburuetako bat beste edizioetan baino "jende gehiago batzea eta ekimena indartzea" izango dela azaldu dute udaletik. 

ANBOTOKIDE izatea gure komunitatearen parte izatea da, euskararen erabilera sustatzea eta herrigintzaren aktibazioan pausoak ematea.


EGIN ZAITEZ KIDE!