Elorrioko etorkizuneko proiektu estrategikoa erabakitzeko parte hartze prozesua abian

Elorrioko Udaleko gobernu taldeak parte hartze prozesu bat ipiniko du martxan bere proiektu estrategikoak eta herriaren etorkizuneko plangintza herritarrekin partekatzeko.

Udaletik azaldu dutenez, parte hartze prozesu honegaz ibilbide-orri eguneratu bat izango dute. "Udalak ibilbide-orri eguneratu bat edukiko du, pandemiaren ondorengo gizartean herritarrek dituzten beharrizanak eta sentimendua jasoko dituena. Etorkizuneko proiektu horren aldeko apustua egin gura izan dugu, eta horixe izango da gure ibilbide-orria, gure herria hobetzen jarraitzeko ahalegina non egin behar dugun jakiteko gakoa”, esan du Idoia Buruaga alkateak. Bestalde, udaletik azaldu dute ikerketa kualitatibo eta kuantitatibo baten bitartez egingo dutela prozesua. Proiektua Aztiker Soziologia Ikerguneak egingo du, eta 12.135 euro ipiniko dituzte horretarako

Durangaldeko albiste garrantzitsuak eta azken ordukoak Whatsapp edo Telegram bitartez jaso gura dituzu? Hauek dira bi aukerak.

WHATSAPP: Bidali ALTA 688 635 041 telefono zenbakira.

TELEGRAM: Batu zaitez @anbotokomunikabideak kanalera.