Muruak Joseba Muxikak utzitako lekua beteko du. Muxika joan zen abuztuan hil zen. "Heriotza onartzea beti da zaila, baina are gehiago maite duzun pertsona gazte, osasuntsu eta aktibo baten kasuan", jarraitu du Muruak. Gainera, elorriar gazteak Muxika erreferentetzat hartzen duela esan du. "Beti zegoen entzuteko, hitz egiteko eta ahal zuen heinean laguntzeko prest".
Bestalde, berarentzat besteei laguntzea bokazionala dela eta lan egiteko gogoz dagoela azaldu du EAJko zinegotziak. "Elorriarren alde lan egingo dut, konpromezu eta apaltasun osoz", bukatu du.