Intxortan hildako 44 elorriarrak "ahanzturan ez galtzeko" dei egin du Buruaga alkateak

Markel Onaindia 2018ko api. 22a, 19:49

Intxortako erresistentziaren 81. urtemugan, 7 hileko borroka hartan hildako 231 gudari eta milizianoak gogoan izan dituzte Elgetan; tartean, 44 elorriar. Idoia Buruaga Elorrioko alkateak ere parte hartu du ekitaldian.

Buruagaren esanetan, etorkizunera  begiratzeko ezinbestekoa da iragana ezagutzea. "Berrio gertatu ez dadin, gure seme-alabek ezagutu dezatela euren aitita-amamen historia". Borrokan hildakoez aparte, frontea jausi eta gero herrietan bortxatu zituzten emakumeak ere gogoan izan ditu Buruagak.

Elorrion Laumunarrieta elkarte memorialistikoa jaio berri da, eta horren lana goraipatu du alkateak.

ANBOTOKIDE izatea gure komunitatearen parte izatea da, euskararen erabilera sustatzea eta herrigintzaren aktibazioan pausoak ematea.


EGIN ZAITEZ KIDE!