Gerra Zibilean zehar Gipuzkoa faxisten esku geratu zenean, hainbat batailoi Bizkaira pasa ziren erresistentzia egitera. Loiola, Amaiur, Itxarkundia eta Saseta batailoietako kideek Gernikan ezarri zituzten kuartelak, eta hildakoen omenez, EAJk hainbat hilobi erosi zituen bertako hilerrian. Felipe Larrañaga Zarraoaren iloba Jesus Aristegik azaldu du ez dagoela argi bere osaba Santamañezarreko (Zaldibar) borroketan edo Gernikan hil zen, baina aipatutako hilerrian eman zioten lur.
1946an, gudari hauen eta beste 270 errepublikanoren gorpuak hilerritik ateratzeko agindua eman zuen alkate frankistak, baina Julian Lejarraga beharginak ez zuen agindua bete, eta gorpuak seinalatu bako hobi komun batean sartu zituen.
