Gaur arratsaldean Valentziatik zetorren kamioi bateko atzeko aldean paperik gabeko zazpi pertsona aurkitu dituzte ezkutatuta. Ertzaintzak jakitera eman duenez, kamioi gidaria karga hustera joan denean, kamioiaren atzeko aldean pertsona bat zegoela konturatu da eta Ertzaintzari abisua pasatu die. Hauek hurreratu direnean, emakumezko bi, gizonezko bat eta lau adin txikiko aurkitu dituzte ezkutatuta.
Ertzaintzak jakitera eman duenez, larrialdi zerbitzuek kamioian ezkutatuta egon diren pertsonak artatu behar izan dituzte, eta momentu honetan, Ertzaintzaren babespean daudela adierazi dute. Horrez gain, paperik gabeko zazpi pertsonak kamioira noiz igo diren ikertzen dabiltzala esan dute.