Zapatuan 10:30ean hasiko dute eguna Erreka kalean, graffiti tailer bategaz. Ondoren, 12:30ean, artisten poteoa egingo dute gaztetxean, eta 14:00etan, berriz, urteroko omenaldia egingo dute elorriarrek San Josen.
Omenaldi osterako, bazkaria antolatu dute Elorrioko gaztetxeko kideek, 14:30erako. Eta bazkari ostea alaitzeko, gazteek jolasak antolatu dituzte.
Arratsaldean, 18:00etan, familia argazkia egingo dute gaztetxean, eta 19:30ean Mud Candies taldeak kontzertua eskainiko du. Azkenik, jai egunagaz bukatzeko, Bad Sound Sistem eta Garila 26 taldeek kontzertua eskainiko dute, eta, jarraian, DJ ElvisCainok jarriko du festarako musika.