Bestelako egitasmoen artean, eskolako leihoak aldatzeko zein Musika Eskolako komunak berritzeko 67.000 euroko partida bideratuko dute, eta Argiñetako baselizaren teilatua konpontzeko 50.000 euro aurreikusi dituzte. Pilotalekuan aldagelak eraikiko dituzte, eta Arriolan teilatua konpondu ere bai.
Abstentzio kritikoa
EAJk gobernuaren gestioa kritikatu du, baina abstentzioa negoziaketengatik eman du. Adibidez, zergak ordaintzeko laguntzak 2.500 eurora igotzeko, jeltzaleen ideia onartu du gobernuak. Baina, EAJren ustez, EH Bildu “maila baxuko kudeaketa” egiten dabil. Hainbat egitasmo “egin barik” geratu direla dio, herri ortuena edota enplegu planarena. Pulla-Azkarretako plana bultzatzea ere gura du.
Gainera, partaidetza prozesuan parte hartzeko aukerarik ez dutela izan salatu du, eta herritarrek “zerrenda itxi” batetik aukeratu dutela.