Botikak farmazia bi horietan, udaleko beheko solairuan eta Caritasen lokalean -hemen, astelehen arratsaldez soilik- utzi ahalko dira, abenduaren 22ra arte. Azaldu dutenez, heste-zizareetarako, zorrientzako, sarnarako eta hesteen minerako sendagaiak behar dira, besteak beste, baina konpresak edota pardelak ere jasoko dituzte.
Idoia Buruaga alkateak esan du Elorrion elkartasunean oinarritzen diren hainbat ekintza garatzen direla, Kainaberarenak kasu. "Iñigok antolatu duen ekimen hau ere guztiz txalotzekoa da", adierazi du alkateak.