Izan ere, Belengua kalea urbanizatzea eta Ibarrako espaloia eraberritzea izan dira prozesutik ateratako ondorio nagusietakoak. Osoko bilkuran onartuz gero, errealitate bihurtuko dira. "Urte askotan ahaztuta izan diren herriko hainbat gune eraberritzeko konpromisoa daukagu, eta Ibarra ingurua eta Belengua kaleko urbanizazioa udalak aspaldian jaso dituen eskaerak dira", esan du Idoia Buruaga alkateak (EH Bildu).
Parte hartu dutenen ideiek, udalaren lehentasunak berretsi dituztela azaldu du Buruagak. Sektore eta profil ugaritako jendeak eman du iritzia.