Nanuk garraio enpresak 63 eguneko greba izan zuen orain dela hiru urte. Ordutik hiru langile kaleratu dituztela gogoratu du Idoia Intxaurbe ELAko kideak. Marieli Urriolabeitia LAB sindikatuko ordezkariak dioenez, "Nanuken arazoaren muina Eroskin dago. Eroskik bere dendak hornitu beharko ditu Nanukek egin ohi izan dituen ibilbideak eginez. Hori dela eta, Eroskiren beharrizanak ez dira desagertuko, ibilbideak ez dira desagertuko eta lana ez da desagertuko".
Abuztuaren 16an administrari konkurtsalak, Eroskik eta sindikatuek osatutako negoziazio mahaiak batzarra egingo du. ELAk eta LABek lan-baldintzak eta subrogazioa bermatzea eskatzen diote Eroskiri.