Bigarren edizioa izango da. “Iaz afari gozoagaz eta kantu giroagaz gozatzeko aukera eduki genuen, eta errepikatzeko ordua heldu zaigu”, esan dute Ebalixuko kideek. 19:00etan ipini dute elkartzeko hitzordua, Parra tabernan.
Erabileraz kezkatuta
Iaz sortu zuten Ebalixu, Elorrioko gazteen artean euskararen erabilera indartzeko helburuz. Izan ere, erabileraren datuekin kezkatuta zeuden lagun horiek; 2013an egindako ikerketa bateko datuen arabera, Elorrioko gazteen %94 euskaraz berba egiteko kapaz dira, baina euren arteko elkarrizketen %76 gaztelaniaz izaten dira kalean.