Eguaztenerako, hilak 18, deitu dute lehenengo berbaldia: Zer dabil gertatzen orain Sirian? EHUko eta Hegoa fundazioko kide den Victor Pozasek eskainiko du. Honakoa lez, berbaldi guztiak 19:00etan izango dira, Iturrin.
Maiatzaren 25ean emakume errefuxiatuen gaia hartuko dute ardatz, eta hain zuzen ere, Maryan Fathi errefuxiatu kurduak parte hartuko du, Trinidad Vicente Deustuko unibertsitateko irakasleagaz batera. Ekainaren 1ean Egeo itsasoan errefuxiatuei laguntzen dabiltzan boluntarioak izango dira protagonista, eta ekainaren 9an Gerra Zibilaren ondorioz sortutako euskal erbesteaz berba egingo du Gregorio Arrien ikertzaileak.