Uriartek "elkartasun eta aitortza osoa" eman dizkie Intxortan borrokan ibili ziren emakumeei. Hain zuzen, 41 emakumek jaso dute omenaldia. "Elorriok modu zuzenean jasan behar izan zuen faxisten etorrera, eta Elorrioko Udaleko ordezkari gisa guzti horiek erakutsitako ausardia aitortu nahiko nuke", azaldu du Uriartek.
Kolektibo horretaz gainera, frankismoaren aurka lan egin zuten emakume guztiak izan dituzte gogoan Elgetan: "Euskal Herriko historia osoan emakumeak izandako garrantziaren seinale besterik ez da gaurko aitortza. Emakume haiek han izan zirelako gara, gaur egun, garena", esan du Uriartek.