Zapatuan, 17:30ean, pilota partiduak jokatuko dituzte, eta 19:30erako, elektrotxaranga batek lagundutako poteoa antolatu dute. Gauez, musikari egingo diote lekua: Aterpe ondoko arkupean DJ Elepunto egongo da, Ateneoan DJ Gaua ospatuko dute, eta Gaztetxean Han eta Revolta Permanent taldeen kontzertua jarraitu ahalko da. Elorrioko musikariek osatutako taldea da Han.
Domekan, azoka
Domeka goizean azokak hartuko ditu plaza inguruak. Hain zuzen ere, trukean eta bigarren eskuko produktuetan oinarritzen den azoka da. 10:00etan ipiniko dituzte mahaiak, eta 15:00ak arte bertan egongo dira, jaiari agurra emateko.