Idoia Buruaga Elorrioko alkateak dioenez, udal gobernuak kaltetutako herritarrei babesa helarazi gura die. "Gure esku dagoen guztia egingo dugu AHTa Elorriotik igarotzea saihesteko, eta, igaro behar bada, ahalik eta eragin gutxien izan dezan".
Udalak gogoratu duenez, AHTaren erdigunean dago Elorrio, sei tramo ezberdin eraikiko baitira herrian. Joan zen astean eginiko desjabetze-aurretiko aktak Elorrio-Elorrio tramoari dagozkionak dira, "besteak aurrerago egingo direlakoan". Elorriok jasango duen ingurumen inpaktua "oso handia" dela azaldu du udalak, batez ere Aidazu eta Iguria auzoetan. "Kalte horiek ahal diren heinean ekiditeko, udalak dagoeneko martxan jarri du kaltetuei zuzendutako aholkularitza teknko-juridikoa. Gaineratu dutenez, "AHTaren obrak martxan jarriko balira, jarraipen batzorde bat osatuko genuke aholkularitza zerbitzuarekin, kaltetuekin, udal-teknikariekin eta ordezkari politikoekin".