60 urtetik gorakoen ekintzailetasuna bultzatu gura du Elorrioko Udalak, eta, horretarako, lehiaketa berezi bat ipini du martxan, Aldundiagaz elkarlanean. Nagusiei ideia edo ekintza berriak proposatzeko deia egin die, eta onenek sariak eskuratuko dituzte. Gainera, Bizkaiko lehiaketan parte hartzeko aukera edukiko dute.
Hainbat arlotako jarduerak proposatu ahalko dira: kultura, ekintzailetza, autogainditzea... Lehenik, proiektuak aurkeztu beharko dira, eta gero, lau hile edukiko dituzte garatzeko. Lehiaketa urrian amaituko da, sari banaketagaz batera.
Elorrioko bizi-kalitatea hobetzea gura du udalak: “Gure nagusienek asko dute erakusteko. Ezagutzaren eta esperientziaren ahotsa dira”, adierazi du Xabier Dominguez alkateordeak.