Hamabost lagun aldi berean Internetera konektatzeko aukera eskainiko du Wi-Fi zerbitzuak, eta aurrerantzean beharrizan handiagoa egonez gero, estaldura handitzeko aukera badagoela esan du udaleko ordezkariak. “Uste dugu Wi-Fiaren erabilera ikastera edo kontsultak egitera bideratu beharko litzatekeela; beraz, momentuz, nahikoa dela deritzogu". Gainera, kable bidezko konexioak Iturri kultur etxeko areto guztietan daudela azaldu du Lopezek.
"Gaur egun Internet tresna baliotsua bihurtu da ikasterako orduan ere. Beraz, ez genuen ulertzen zerbitzu horren falta”, esan du zinegotziak.
Gasturik ez
Aparteko gasturik ez egiteko asmoagaz, udalaren jabetzan zegoen router bat erabiliko dute liburutegian.