Atxondo eta Elorrioko mikologia taldeek mikologia erakusketa antolatuko dute domekan, 12:00etatik aurrera, Elorrioko kiroldegian. Aurten 25. aldia egingo du ekimenak. Perretxiko eta onddo pintxoak dastatzeko aukera ere egongo da.
Bihar perretxiko eta onddo bila irtengo dira Oletara autobusez. 08:00etan Elorrioko probaleku zaharrean hartuko dute autobusa eta, 08:15ean, Atxondoko pilotalekuaren ondoan. Mikologia zale denentzako zabalik dagoen irteera da. Arratsaldean Atxondoko Mikologia Taldekoek perretxikoak sailkatu egingo dituzte Elorrioko kiroldegian.