Azken obra hori oinezkoen segurtasuna hobetzeko egin dutela azaldu du Joseba Mujika jarduneko alkateak. Izan ere, oinezkoak eta autoak pasatzen dira bertatik. Azken lanak egiten dabiltza, eta hilaren 11rako prest egongo da bidea.
Idoia Buruagak (EH Bildu) EAJren gestioa kritikatu du: “Pena da, proiektua korrika egiteagatik, igerilekuak berriro martxan ipintzeko 100.000 euro baino gehiago erabili behar izana”. Gainera, adierazi du gobernu taldeak ez diela esan “benetako emaitza ekonomikoa” zein den, baina ohartarazi du “aurreikusitako defizita hirukoiztu” egin dela.