Antzerkia: 'Happy End'

Vaiven producciones-en antzezlana (gaztelaniaz)

Sinopsia:

HappyEnd, suizidei, elkarri lagunduaz,euren xedea betetzen laguntzen dien isilpeko elkarte bat da.
Beste kide bati bere buruaz beste egiten lagunduz gero, HappyEndek zin egiten die euren momentua iritxitakoan helburua betetzen lagunduko dien norbait izango dutela aldamenean. Elkartea krisiaren gerizpean loratu da, baina azkenaldian, kimu berdeak eta baikortasuna ernatzen ari direla eta, suizidak uxatzen hasiak direla dirudi. Alegia, mundua krisia gainditzen ari den bitartean, HappyEnd bertan murgiltzen hasia da…Telefonoak jotzeari utzi dion une horretantxe azaldu da Ainhoa, bere tratua bete duen suizida berau eta, Gabrielak, Elkarteko koordinatzaileak, laguntzaile bat topatu zain dago.
Elkartean sartu ahal izateko betekizunak arrunt zorrotzak dira, izan ere, HappyEnd, akats moralik ez duen elkartea izateaz harro dago. Gauzak horrela, baliteke Martinekin salbuespen bat egin behar izatea…

Errealitatearekin sentitzen dugun konpromezuarekiko leial izatekotan, lan honetan krisia eta “bere eratorrietaz” hitz egin nahi izan dugu. Edozein ezbeharren inguruan loratzen diren negozioei buruz ari gara eta tabua den gai baten inguruan zehazki: arnas hartzeari uzteko erabaki zail eta librea. Umore beltza abiapuntutzat hartuta giza-baldintzaren inguruko gogoetetan barrena murgilduko gara (bizitza antzerkia da eta alderantziz). Ahotsa eman nahi genieke “krisiak estutu baina ito ere” egiten duela sentitzen dutenei eta suerta daitekeen eztabaida sozialari (askorentzat, morala) ere koxk egingo diogu, norberarena baita erabakia.
Amaiera zoriontsua ote hala ez; hori, beti geratuko da zeuen eskuetan, ikustera etorriko direnengan, alegia.