Antolatzaileen esanetan, hogei bat postu ipiniko dituzte plaza inguruetan. Erakusleak Euskal Herri osotik etorritakoak izango dira, baina zenbait elorriar ere egongo dira horien artean. Elizpean eta udaletxeko aterpean egongo dira postuak, material ugarigaz: liburuak, seiluak, txanponak eta billeteak, adibidez.
Auto klasikoak
Bestalde, eguneko ekimen garrantzitsuenetako bat plazan bertan egongo da. Izan ere, antzinako auto klasikoen erakusketa ipiniko dute. Adierazi dutenez, 20-30 ibilgailu egongo dira ikusgai.