Txintxirri ikastolarako bidea konpontzen hasi dira

Anboto 2014ko ekainaren 15a
Deskargatu Info Ahotsak :

'Eskola bidea' deitzen den egitasmoaren barruan, Txintxirri ikastolarako bidea konpontzen hasi dira. Beste ikastetxe batzuen antzera, proiektu horretan murgildu dira udala eta Txintxirri, eta lehenengo fasea da garatzen hasi direna. Eskoletako sarbideetan segurtasun handiagoa sortzea izan ohi da helburua, eta obragaz oinezkoei eta bizikletariei lehentasuna ematen diete. Lan horiekin, San Jose kalean espaloia zabalduko dute.


Udalak finantzatuta, lau metroko zabalerako espaloia egingo du San Jose kalean, eta horretarako behar den espazioa utzi dio ikastolak. Gainera, horma eraberrituko dute. Kendu egin dute orain arte zegoena, eta horko harriak erabilita, hareharrizko horma berria eraikiko dute. Ikastolara sartzeko ate berria ere egingo dutela azaldu dute, “segurtasun maila handiagoa bermatzeko”.


Bestalde, herri eskolan amaitu dituzte lanak; bidea konpondu, eta ate berria egin dute.

Herririk herri Elorrio
ANBOTOKIDE izatea gure komunitatearen parte izatea da, euskararen erabilera sustatzea eta herrigintzaren aktibazioan pausoak ematea.


EGIN ZAITEZ KIDE!