Goizeko 11:00etan batuko dira dantzariak, plazan, eta 12:00etan kalejirak egingo dituzte taldeka, bakoitzak bere aldetik. 13:30ean bazkaltzeko ordua helduko zaie, eta, ohiturari eutsita, elorriarrek euren etxeetara gonbidatuko dituzte kanpotik datozen umeak. Besaidekoek esan dute jendea ezagutzeko eta lagunak egiteko esperientzia ona dela umeentzat.
Arratsaldean, alardea
Bazkalostean, 16:30 bueltan, plazan batuko dira berriro. Arratsaldeko 17:00etan izango da eguneko hitzordu esanguratsuenetakoa: alarde nagusia. Euskal Jaian parte hartuko duten ume guztiek batera egingo dute dantzan.