Zenbait lagunek batzorde bat osatu dute ekitaldia antolatzeko, eta horietako bat da Joseba Eguren, Lazkanoren aspaldiko laguna. Ekimenagaz gura dutena zer den azaldu du: “Lagunak elkartu, Segun gogoratu, eta arratsalde polit bat pasatu”. Argiñetan izango da ekitaldia, 18:00etatik aurrera. Irudiak, musika eta irakurketak egingo dituzte. Adibidez, argazkilari batzuk ikus-entzunezko bat lantzen dabiltza. Beste lagun batzuek, ostera, abestu egingo dute, eta Urko y los primos de riesgo taldeak ere joko du. Egurenek esan du mikroa zabalik egongo dela Lazkano gogoratu gura duen edonork parte hartzeko.
Argazki kameragaz gertaerak eta bizipenak gordetzea zen Lazkanoren pasioa. Hori gurako dute hurrengo zapatuan, Argiñetan, batzen direnek: euren laguna, Segun Lazkano, betirako euren memorietan gorde.