Gaur, 09:40an izan da istripua. Hiru zaurituak Galdakaoko ospitalera eraman dituzte.
Kamioi bat eta auto baten arteko istripua izan da eta, ondorioz, kamioia irauli egin da. N-636 errepidean gertatu da, Elorrioko saihesbidean. Kamioi gidaria barruan harrapatuta geratu da eta su-hiltzaileek atera dute ordubeteko ahaleginen ostean. Kamioi gidaria eta autoan zihoazen bi lagunak Galdakaoko ospitalera eraman dituzte.