Txintxirri ikastolan Guraso Eskola garatuko dute, eta izena emateko aukera dagoela jakinarazi dute.
Urriaren 1ean hasiko da, eta ikasturtean zazpi saio izango ditu. Nerea Mendizabalek emango ditu saioak; psikopedagogoa eta gizarte hezitzailea da Mendizabal. Irailaren 24ra arte eman ahal da izena ikastolan bertan, edo ikastolara deituta.
Hurrengo saioak data hauetan izango dira: azaroaren 5ean, urtarrilaren 7an, otsailaren 4an, martxoaren 4an, maiatzaren 6an eta ekainaren 3an. 17:30etik 19:30era izango dira eskolak.