Pleno egunean bertan Joseba Mujika alkateordeagaz gai honen inguruan berba egin zuela dio Buruagak: \"Ez zidan ezelako irregulartasunez berba egin. Akordioaren interpretazio akats bat baino ez zela baieztatu zidan. Akats bat egon dela portzentaia aplikatzerako orduan eta orain arte ez direla konturatu\". Sortutakoak harritu egin ditu Bilduko zinegotziak: \"Oso larria iruditzen zaigu horrelako salaketa faltsuak kaleratzea\".
Bilduk eduki duen informazioa beste bat izan dela dio Buruagak: \"Atzo komunikabideetan azaldu zena eta guk gobernu taldearengandik eta idazkariarengandik jaso dugun informazioa guztiz desberdina da. Ez diote gai honi garrantzi berezirik eman. Gai ordenean zegoen beste edozein gairi ematen zaion garrantzi berdina; ez gehiago ezta gutxiago\".